郭晋安激罕晒与欧倩怡撑枱脚合照 加爱神之箭放闪

郭晋安同欧倩怡（Cindy）育有一子一女，结婚15年依然恩爱，堪称娱乐圈模范夫妇。不过，安仔一向将家庭事低调，好少喺社交网上载子女相片，亦甚少同太太合照；但噚日就激罕喺IG Story贴上两公婆撑枱脚相片。安仔仲花心思，加上心心特效，不停放爱神之箭射落老婆身上，投放强力闪光弹，闪到爆！

安仔虽然系绯闻绝缘体，但两夫妻都唔系无风无浪，佢曾在访问中透露因为拍剧搞到情绪低落，一时间抽离唔到搞到有啲抑郁，令两夫妻冷战咗半年，几近离婚边缘；再加上因子女学业问题有分歧，好彩囝囝转校后，大家关系亦有好转。而近年Cindy除继续进修读营养学硕士，仲复出幕前演出，唔使剩系做「煮饭婆」，更能拉近夫妻间距离，难怪会愈来愈恩爱。