黎瑞恩拉埋邵美琪做善事 来自唔同范畴合作有难度

黎瑞恩昨日以大使身份联同好友邵美琪（Maggie）现身第十届「香港展能节」活动，跟伤健人士一齐制作曲奇，并为参赛者打气，同时鼓励港人多关注残疾人士及复康人士的共融生活。曾患胰脏瘤嘅小恩子曾一度情绪低落：「愉快心情系康复嘅最佳良药，定期唱歌令我心境保持开朗，亦令我明白搵到人生热衷嘅事，见到参赛者喺比赛过程中展露笑脸，我相信佢哋搵到自己嘅快乐。」

小恩子经常会为朋友组织兴趣班学整甜品，Maggie都系活动小组成员，两人因为用同一位化妆师而结成老友，几乎日日见面。Maggie最欣赏小恩子有善心，带动埋她过来帮手做慈善。圣诞节即将来临，她希望多参与慈善活动。问到两人可会在工作上合作？小恩子笑说有难度，因为对方属高级组演戏；Maggie就赞返小恩子系高级组唱家班，故合作睇机缘。