J.Arie自爆声带有两个肿瘤 演唱会设年龄限制15岁以下禁入场

歌手雷深如（J.Arie）接受香港开电视主播马梓轩专访，畅谈音乐历程期间，被问及最后悔小时候没有学哪一种乐器？她坦言遗憾因身体问题，未能学习管乐：「我好想学长笛，同埋好想学色士风，呢两种乐器我觉得要用到喉咙声去吹，但其实我天生有个缺陷，细个嗰阵医生已经同妈咪讲，以后我做任何嘢都唔可以用咁多声，因为我声带本身有两个肿瘤，到而家都仲喺度，所以把声系好容易攰同沙！我觉得自己有啲似苏桦伟，向自己嘅弱点进发，人愈大就反而对用声愈有兴趣，觉得系要发掘多啲！」

入行8年的J.Arie，即将举行首次个人演唱会，她透露这次演唱会特别之处，是设有年龄限制：「我好想喺今次演唱会里面，将我呢32年嚟嘅人生，好赤裸咁畀大家睇！成件事可能真系比较本土文化啲，同埋有好多嘢想呈现喺本诚实日记当中，其实我都有几多歪理同为世不容嘅嘢写咗入去！经过开完制作会议，主办方就话，演唱会本身冇呢个规例，但都真系要加番，15岁以下真系唔入得！」

问到届时会否在舞台上性感上阵，J.Arie笑言：「呢个大家到时入场就会知道，其实都有谂过，我谂呢个演唱会都有几多唔同嘅突破，包括喺题材、演出、肢体、视觉上，希望做到一个好配合自己性格同想法嘅演唱会！」