造星IV丨梁祖尧自爆被人粗口问候 坚持方方阿Ling以气场实力取胜

ViuTV选秀节目《全民造星IV》前晚（19日）60强诞生，其中导师许廷铿（Alfred）与梁祖尧在「复活区」选出12位参赛者晋级，她们分别是Ashi、Yoyo、Candy、CK、inwin、Ariel、Gao、Ash、咖哩、Miko、方方及阿Ling。结果一出，不少网民闹爆，矛头直指梁祖尧偏心方方及阿Ling。

成为众矢之的，梁祖尧今午在IG贴相及撰千字文回应，他谓：「96强啱啱出完街，好多人闹点解唔救呀妹，Yanis， Jackie等？想㗎。真系想㗎，坦白讲佢哋都真系喺当晚嘅讨论名单里面。不过果（嗰）朝喺复活区做选择嘅时候，我哋一致认为，要做到比赛公平，就要睇当晚嘅实力同表现先可能说服一样喺复活区内而无被选中的参赛者。当然，观众缘都系软实力嘅一种，但系三个月前，当时所有宣传都未出街，我哋根本无办法用呢一样嘢来做衡量，实在难以去预测观众对佢哋嘅期望。最后同观众期望有落差，都好心痛，感觉上真系放弃了一些原来非常得观众欢心嘅表演者。我必须要讲句公道说话，你有权话呀ling虽然年纪大，有权觉得佢唔系女团人选，但系当晚佢嘅压台感实在比好多其他参赛者优胜，虽然我哋系认识，但系佢10年以上嘅舞台经验就系为佢带来表演气场嘅原因，我相信呢一点大家都冇办法否认嘅，而复活区内我认识嘅人亦唔止佢一个。而点解39岁就唔可以追梦？复活方方，同样因为舞台实力。名额有限，我哋都非常之无奈，而呢一种无奈，喺呢三个月内都不停会重复出现，因为始终比赛就系一个比赛，就系每次都要有人被淘汰。」

梁祖尧坦言最初女团经理人阿Wing表示成员年龄只能是16至25岁，他已表示不同意，而60强结果公布后，梁祖尧坦言有收到好多私讯，爆粗及鼓励都有：「爆粗嘅无乜嘢，发泄吓啫，明嘅，鼓励嘅都在心中，多谢晒。」他又直认表演从来没有输赢，只有喜欢不喜欢，难以用一个客观标准去评定，加上在现场及电视收看，参赛者演出的好与坏是有落差的。尾声时，梁祖尧透露比赛已诞生20强，他除了大赞晋级的是精英中的精英，不忘鼓励落败的76位不要气馁，梁祖尧又称观众反应如此激烈，证明这是一个成功的节目。