全民造星IV｜27岁大热Jackie输俾21岁日系Sica 网民疯狂留言戥佢唔抵

《全民造星IV》昨晚播出的一集，27岁人气KOL 刘展翘(Jackie)对决日系少女21岁Sica。前者曾参与多个网络频道，如「CapTV撷电视」、「啱Channel」等等为人熟悉，亦有拍摄电视剧、广告及MV，多年来活跃于幕前。Jackie因为好紧张加无自信，面试唱歌时突然流泪，又提到今次参加是想令自己变得更加有自信，导师梁祖尧和许廷铿（Alfred）都觉得佢好努力，梁祖尧更赞：「你系少数人可以畀到正能量我哋嘅人，好好利用你嘅特点。」Jackie正式表演唱歌《A Day With Me》又加入戏剧元素，评判朱栢康都赞Jackie聪明搵啱歌，因为可以避过自己缺点。

而Jackie的对手是非常锺意日系二次元文化的Sica，她以日本学生妹look弹吓弹吓咁出场唱跳《心急人上》，大跳日系宅舞，梁祖尧一直明言唔锺意佢，最后她以两盏蓝灯成功晋级，Jackie则落入淘汰区。结果令两位导师非常不满，所以冇主动作出选择，最后由评判郑融强制将Sica加入到梁祖尧队伍，令祖尧嬲到闹郑融做八婆，好好笑。

网民对赛果亦好不满，纷纷留言Jacike嘅IG戥佢唔抵，「输畀个女仆真心唔抵」，又留言希望Jackie可以复活，连前「啱Channel」创办人热血肥仔亦有为Jackie打气。