独家丨撮合张秀文嫁到笋盘林盛斌被朋友电话轰炸要求做媒

2021-11-17 20:42

34D「TVB咪神」张秀文即将闪嫁金融才俊王大权(Billy)成为豪门新抱，今日于IG公开多谢媒人林盛斌(Bob)，Bob接受本报访问时笑说：「少少心意，不成敬意！」他承认郎才女貎系开心嘅。

重提呢段美满良缘，他说：「当日情人节同小朋友及家长们去烧烤，突然心血来潮做媒人，分别致电叫两人出来，原先秀文话已躺在被窝上网玩手机唔想出嚟，我就同佢讲『信我，出嚟可以改变到你一生，唔出嚟你会后悔！』之后张秀文化咗少少妆同埋束咗条小辫子出咗嚟，虽然两个唔系一见锺情，但都算倾得投契，我仲吩咐男方送女仔回家。之后佢哋开始联络及发展。」

对于被指为金牌媒人，阿Bob话唔敢当：「身边朋友冇另一半，而我又觉得佢人品系几好嘅，咪纪录在案安排吓罗！Billy好努力工作，成绩做得唔错；张秀文唔去蒲相当乖女，两人都几登对。不过，都试过有啲唔适合例子，唔系个个成功，近年成功嘅仲有玄学家陈定帮、朱慧敏，见佢哋可以开花结果我个心都安乐晒。呢两日我收到好多圈内及圈外朋友电话提出要求做媒，哈！等我做埋下个月18号嘅栋笃笑《The Bobfather 2021》，之后搞个大型配对gathering！」问到会否演变成媒人生意？他强调呢方面只会讲心唔讲金，做媒只系一种恩德，正如工作上搵到伯乐一样。