江嘉敏获剧组补祝27岁生日 为赶食宵夜撞破惊喜

本月4日是江嘉敏的27岁生日，距离今日都已过了十多天，不过依然有人送上利是及蛋糕为她庆祝，果然多人痛锡。江嘉敏近日正忙于拍摄TVB新剧《四十二章经》，昨晚（16日）她在IG分享开工时获剧组送上惊喜补祝生日，相中见江嘉敏跟一同演出的邝洁楹及黄山怡（糖妹）齐齐捧着蛋糕影相，还有她跟剧组人员以及郑子诚的合照。此外，江嘉敏在电视城化妆间时，更获前辈马海伦送上大利是，总之有心唔怕迟。

江嘉敏留言谓：「好开心，由喺台湾嘅《杀手》开始，我每一年生日都系拍紧陈Joe（陈维冠）监制嘅剧，而每一年佢都会亲自买生日蛋糕比（畀）我！仲会专登夹埋啲演员同成队crew嚟比（畀）惊喜我！有一年，陈监制无端端发脾气要我重拍一场戏，仲疯狂要我NG，我嗰阵心里面惊到面都青埋，一拧转头见到啲导演拎住生日蛋糕行埋嚟！真系吓死我！今年仲好笑，因为我太为食嘅原因，一听到放宵夜即刻9秒9行去拎鱼蛋粉食。点知一转弯，唔小心见到陈监制同Judy好努力咁点紧蜡烛，然后佢哋就直接将个蛋糕放系我手到叫我自己点蜡烛！我爱你哋！」