MIRROR身价劲升笑言唔知价 Lokman多谢余咏珊

MIRROR昨日出席csl. 5G x MIRROR企划活动，吸引数百「镜粉」到场支持，一直有传组合出骚价昂贵，队长杨乐文（Lokman)表示从来唔知身价，亦冇睇过粮单，王智德（Alton)就话12人出骚最珍贵。另外对于前TVB高层余咏珊在访问中透露「当日低估MIRROR是人生污点」，Lokman说：「好多谢佢，唔使放在心，冇事。」

姜涛、卢瀚霆（Anson Lo）、陈卓贤（Ian）和江𤒹生（Anson Kong）被爆50万出一个骚，四人表示唔知道，AK认为选工作最重要可以配合MIRROR，并笑言未出粮。AL说公司平及贵的工作也会接，自己亦从没过问价钱。MIRROR年尾将参与旅发局举办的除夕倒数Show，肯定吸引大量「镜粉」支持，TVB亦不甘示弱，盛传力邀陈奕迅、Twins及谭咏麟等出Show对撼，AK雀跃地说：「好嘢，可以见到前辈演出。」

跟毛姐合作好开心
前TVB高层余咏珊在访问中透露「当日低估MIRROR是人生污点」，Lokman说：「咁大件事，唔使咁大件事，睇多啲我哋，支持我哋，令我哋点击率更多，好多谢佢，唔使放在心，冇事。」另外AL和Edan（吕爵安）跟毛舜筠合作的新戏《过时过节》刚煞科，Edan好开心有呢段拍摄经历，AL就好多谢毛姐悉心教导，令他可以自然投入角色，学到很多。

Edan已习惯唔够瞓
Edan忙拍戏加其他工作搞到40小时冇瞓过，他称已习惯唔够瞓，幸好冇影响精神。另外，他之前出Po提到Fans内讧，他指是误会，希望fans追偶像开开心心，和睦共处，若然情况严重会出手调停。而AL歌曲《不可爱教主》MV点击破一千万，他说：「多谢大家支持MV，期待更多人睇到成员的个别演出MV，大家花好多心思，值得留意。」AL或会以画作回馈粉丝，AK即叫他攞1000万出来兼请食饭。在《造星IV》中，参赛者何佩被指与Ian撞样，Ian说：「冇睇呀，但好多人tag我，自己觉得唔太似。」另邱士缙（Stanley ）的fans为他在油麻地建立的「巨龙墙」被破坏，他说：「已经算好好，展出两个月才被人添加创意。」