独家丨林正峰顶唔顺游嘉欣过份悭家 完全唔夹冇可能发展

林正峰与游嘉欣(游游)受TVB力捧，两人经常合演情侣而传出绯闻，不过，两人坚称绝对冇可能！林正峰竟然话满脑子都系游游嘅缺点，尤其悭家到戥佢辛苦；游嘉欣爆两人成日火星撞地球，最不满成日被窒！语毕，爆笑林正峰忍不住说：「我想叫你英文名做A zero(A0)！」采访：方骞平 摄影：叶君海

啱啱播完嘅TVB剧《青年心城之撑起青春》由林正峰与游嘉欣担正，剧中两人有感情线，除咗嘴戏仲有牀戏，呢对嫰口配搭好有新鲜感，观众睇得相当投入，戏里戏外都当正两人系情侣关系。21岁的游游自爆系从未拍过拖嘅A0，不过，27岁的林正峰早已公开有个拍拖3年的女友Yuki，叫大家唔好谂多咗。

互窒有轻微火药味
林正峰解画说：「我哋只系拍档，私下最多可以讲系好朋友同好拍档！」点知游游唔多接受，反问：「好朋友？我考虑吓罗！其实我哋工作上联络多，私下冇乜交流。」林正峰话两人爱情观好唔同，游游说：「我哋意见不合㗎！成日喺工作上有好多争执，但就冇隔夜仇。」游游要搵熟男做男友，至于林正峰就话：「女友咪系我择偶嘅package罗。」他又口多窒游嘉欣：「『千禧BB』一嚟就上到封面你话几劲呀？我想叫你做A zero，第日你车牌可以考虑用A0！」游游唔多Like：「我想大家focus我个人唔系感情状况！」林正峰却继续笑落去：「我focus喺老处女度，sorry.」他又指游嘉欣缺点多，优点系眼大、孝顺、善良、顾家，就算开工到半夜都为咗悭家，等一小时一班嘅通宵巴士返家，睇见都戥佢辛苦。」游游赞林正峰够gentleman，同样系孝顺之人。