独家丨何依婷拣男友最紧要冇魅力靠反胃做压力警报器

2021-11-12 00:45

何依婷近日在《星空下的仁医》演绎儿科医生「Esther」，因专注工作忽略身体导致下半身无法活动，一场喊戏更加获赞，原来她都有角色类似经历，胃部会因负面情绪而不适呕吐。自认宅女平日靠打机弹琴减压的她，声称目前单身，但她强调因男艺人多数爱打扮兼太有魅力，令她缺乏安全感而不会考虑。撰文：杜淑霞摄影：沈健程服装：Bread n Butter 场地：Camellia

依婷在《仁医》初次做儿科医生，但因有主持两年《Think Big天地》经验，同小演员合作不算难，加上剧组早将难记医学名词录音给演员准备，所以角色最难反而要学习控制轮椅，要做得自然并不容易。

靠打机弹琴减压

讲到「Esther」经历，原来依婷也有过类似情况，「我考公开试嘅时候，试过因为好大压力唔识得处理，突然间临考历史前一晚系咁呕，呕到连黄色好似胆汁咁嘅液体都呕埋出嚟，呕到凌晨爹哋就送咗我去医院，医生要我留医打止呕针，但因为会眼瞓我唔肯打，怕瞓咗考唔到试，嗰阵时觉得公开试系人生好大件事唔可以错过，结果卷一同卷二中间我都冲咗去呕，返到屋企唔呕但开始发烧。」这次之后依婷胃部好似警报器一样，有压力就会反胃，「参加港姐，大学每逢考试，剧集出街，有时见到啲唔好嘅新闻，我都会反胃，胃酸倒流，总之有负面情绪就会个胃唔舒服。」

入行一年跟前度分手后一直单身的依婷，自爆平日好鬼宅，减压方法不离打机和弹琴，对于择偶她相当有一套，但强调不要圈中型男，「我唔锺意靓仔，有啲吸引力嘅男仔我都唔锺意，如果男艺人都系企企理理会装扮吓，但系我好锺意男仔唔理自己个样，同埋太受欢迎会好冇安全感，我系需要安全感，我啲要求比较怪，唔系一般女仔锺意嗰啲。另外，性格要好好，乐观随和、有风度、幽默、孝顺，同埋我系一个唔系好识表达自己嘅人，可能对我要畀啲耐性。（年纪呢？）年纪差唔多大，细过我又唔好。」