韩子亮音乐颁奖礼前出新歌 明白圈中游戏玩法坦言看淡奖项

修心养性嘅韩子亮(TL)趁住年尾音乐颁奖礼前，最近推出新歌《Everybody Keep Running 》，呢首歌系Featuring香港音乐人ZIGHT（邱耀铤）。TL早已欣赏ZIGHT，今次获邀唱中文版感到相当兴奋。

问到是否有兴趣竞逐歌曲奖项？TL笑言入行踏入第5年已不再系新人，以往曾经出席过唔同嘅音乐颁奖典礼，亦都有上过台攞音乐奖，但经历令他睇淡好多事情，𠵱家一切都系平常心！TL无奈道：「其实大家都明白呢行个游戏规则系点，同埋我嘅音乐风格比较另类特别，有自己嘅粉丝观众同音乐都好开心喇！呢首歌嘅歌词反映到我心声，包括写『我不怕被挑战，我总会全速去上阵』、『跌倒过大不了，歇一歇重新再拼命』。」