韩子亮被国际音乐人ZIGHT钦点合作 新歌获赞唱得好满意

入行5年嘅歌手韩子亮(TL)热爱唱歌，多年嚟尝试唔同歌路，2018年推出《Party With TL》被疯传，喺YouTube累积咗66万点击率，成绩相当唔错。最近TL为新歌《Everybody Keep Running》进行录音，呢首歌系Featuring香港音乐人ZIGHT（邱耀铤）。TL早已欣赏ZIGHT，今次获邀唱中文版《Everybody Keep Running》感到相当兴奋。

本地音乐人ZIGHT曾与英国本土歌手Peter Forest合作歌曲《Everybody keep running》受到关注，再下一城与Disney电影《灰姑娘》主唱兼英国著名女歌手Sonna Rele合作嘅歌曲《Fly away》，喺YouTube点击率高达近70万次，成功冲出香港进军国际市场。不过，有感于系香港人，ZIGHT希望自己嘅作品能让港人认识，故他决定喺香港、英国两地一齐发展，而《Everybody Keep Running》系ZIGHT在港第一首派台作品，并钦点跟TL合作，改上中文歌词由TL演绎，他做歌曲监制。

对此，TL视为大挑战：「呢首歌原先系出咗英文版先，歌曲喺外国都好多报道，所以自己有幸可以参与今次嘅合作都感觉新鲜，而且好大考验，尤其做电子音乐要唱广东话歌词系好困难，系唱歌以嚟最难嘅一次，亦算系最认真嘅一次，不过监制ZIGHT都话非常满意。」