【笑返喇】新歌受欢迎心情大靓韩子亮唔再理会是非忠于自己最开心

2021-09-02 13:00

歌手韩子亮(TL)之前不满ERROR成员吴保锜张扬N年前嘅「抢咪事件」，用嚟无限放大及抽水，事后由ERROR队长肥仔（梁业）代解画系因为度桥拍节目，谂住跟韩子亮开吓玩笑而搞出误会；193亦帮拖打圆场话将来都希望有机会跟对方再合作。至于变得低调嘅保锜就故左右而言他话：「人生每一日都系新嘅一天，唔使回头望，只要每日都做好自己。」保锜用呢几句说话嚟避开道歉。其实以和为贵咪好罗！双方免伤和气啦！

喜获网民支持心情变靓返晒

真相大白后，TL虽然得势，但保持风度，加上最近推出嘅新歌《Cuz I’m TL》受到好评，歌曲推出一星期网上接近两万点击，网民留言表示支持，大赞首歌够贴地！仲话「抽水事件」令他们更了解TL，变得真心欣赏他。TL心情大靓开心到爆，经已唔再理会是是非非。

唱粗口歌唔介意被取笑「骑呢」

由于《Cuz I’m TL》系首粗口歌，被问到歌词会否太过粗俗？TL表示自己系一位贴地嘅歌手，唔介意畀人笑，呢首歌系想为自己平反一啲嘢：「总之明就明。」不过，他坦言冇谂过呢首歌会有咁多网民支持：「做呢首歌之前都有好多顾虑，但系我觉得忠于自己先系最开心，𠵱家得到Fans支持，一切都觉得值得！」稍后TL会去老人院做义工，唱吓歌仔畀一班老友记听。不过，就温馨提示佢，唔好喺班老友记前献唱粗口歌喇！