Juicy叮｜网民屋企坏电热水炉 父嫌贵要求冲冻水凉：忍唔到就煲水

正当本港最新贫穷人口165万，贫穷率百分之23.6，创12年新高。有网民就大呻因家贫而被迫要用冲冻水凉。

有网民在「香港讨论区」上透露，家中的电热水炉最近坏了，爸爸说换一个新的太贵，「佢话反正呢几日都唔系好冻，叫我忍下先，用冻水冲！」，网民说天气太冻，「佢就叫我用煲水冲凉」。网民埋怨，「佢忍到用冻水冲，我真系忍唔到呀」。

有网民质疑热水炉不会无缘无故减价，「今日贵，得返两三度果阵会减价？」。

有网民就分享心得，「我间中会煲水，用水桶冲凉的，依家应该好少香港人咁做。」、「我哋以前细个未兴家家有热水炉嘅年代都是煲水冲凉，以前都得，而家无话唔得，只不过是用开咗方便，觉得反唔到转头啫」、「细路时真系要煲水冲凉， 一盘自己悭住份量冲，唔使冻已经好好，边有现在咁方便，有人花洒长开十几廿分钟冲凉, 又或者成缸水浸浴咁叹。楼主，世界艰难，预习下未尝不是好事」。

也有人感同身受，「细个嘅时候要煲水冲凉，睇到电视煤气广告，朝早一起身扭著热水炉就有热水冲凉，真系羡慕到不得了」。也有人建议，发文者出钱更换，「阿爸系咪经济有困难，如果你已经大个可以做嘢搵点钱自己换咗佢，依家唯有煲水冲凉住先。」

帖文转载「咁冻，阿爸仲叫我用冻水冲凉!」