姜涛纪录片首播自觉有抑郁 跟花姐讲私事妈咪冇份

MIRROR人气王姜涛早前透露会推出纪录片《答案》，希望外界及「姜糖」更能认识真正的自己。纪录片今晚9点在YouTube播出，甫开始是姜涛跟师父梁业（肥仔）在排舞室排舞，他谓：「我拍呢条片唔系想多啲人锺意我，你睇完呢段片可能唔会咁锺意我。原本你可能钟意我，但睇完觉得我唔系你想像中咁，但我都觉得唔紧要。」期间他又反笑肥仔「偶包」重，不能不戴口罩出街，肥仔又反寸姜涛：「我起初教你跳舞都冇嫌你。」肥仔又指排舞室有射灯，排舞师问他们会否怕影响，但肥仔爆姜涛竟说：「佢竟然话因为佢喺度，佢进化咗唔系以前嘅佢，佢以前唔会讲啲咁嘅嘢，佢真系嚣张咗。」

接着镜头转到维园篮球场，片中见姜涛打波时发脾气的样子，他坦言：「如果真打我就唔留手。」姜涛又指不时有姜糖在球场等候及想合照，但他怕自己污糟，故会拒绝及跟朋友突然跑走。重提早前在IG贴出“I' m tired of everything”的厌世字句，姜涛说：「嗰日由化妆至开工前都好正常，冇唔开心，但到开始拍摄突然情绪好低落，突然唔知自己做乜，加上呢年发生好多事，屋企同朋友，嗰吓突然好抑郁，突然觉自己有抑郁症，前一秒仲笑，下一秒就黑晒面。」

尾声姜涛在录音室为《Dear My Friend,》补录一句，监制透露经理人黄慧君（花姐）私下大力赞他，坦言花姐很少如此激赞，姜涛闻言即沾沾自喜，镜头一转两人坐在车上，花姐笑言：「你好似啲小朋友攞到100分咁，然后周围同人讲。」姜涛又坦言会跟花姐倾私事，有些甚至连妈咪也不知。