林家谦害怕成过度讨论焦点 无悔转战幕前否则人生好乏味

林家谦在2014年以作曲人身份入行，及后转向幕前成为唱作人，更与姜涛同年争新人奖。近日林家谦接受商台访问，谈到今年暂时只推出《神奇的糊涂魔药》及《难道喜欢处女座》两首歌，他坦言是刻意放慢步伐：「因为完咗年初嘅颁奖礼，我真系想沉淀落嚟，想放慢步伐谂清楚，变咗focus幕后多啲，真系唔想变成大家过度讨论嘅焦点。」

原来在颁奖礼跑赢姜B成赢家，一度令处女座的林家谦惊惶失措，他说：「其实我曾经喺颁奖礼前跟《Chill Club》监制讲：『唔好系我！我好惊系我！』我总觉得会好恐怖，我系唔识面对。我唔系因为唔锺意得奖所以黑面，而系我担心之后接住嚟嘅大批负评，嗰一刻我真系唔enjoy。但我好悔当时冇Embrace嗰个Moment，将忧虑盖过喜悦。」

有否后悔转到幕前？林家谦说：「其实我嘅想法同心态系不停变，先会令我作出咁多新尝试。到呢一刻我系庆幸自己有做到（幕前），如果唔系人生会好乏味，亦唔会有咁多好嘢及Bonus出现，我系赚到好多。」