刘佩玥罕谈爱情观 锺意唔系大晒遇渣男要学懂放手

刘佩玥（Moon）与周志文低调拍拖多年，甚少公开谈情说爱。日前Moon在网上开live激罕大谈爱情观，当有网民指遇上「狗公」时，Moon即叫对方「let it go」。

Moon表示每段感情关系，只需要对自己的人生负责任，她说：「当你知道佢系一个唔好男仔嘅时候，唔好同自己讲我有几锺意佢，而系要同自己讲，你有几多个理由系需要离开佢。」在恋爱阶段，无论是父母、朋友讲任何说话都似乎听不入耳，但Moon就叫大家要学懂放手，她续说：「如果知道佢系一个唔好嘅人，但都仲继续同佢一齐，或者系继续锺意佢嘅话，你系对自己唔住咋。我觉得要对自己诚实啲，放手系一个学问，当知道嘅时候都唔系太迟啫，早啲let it go。」

Moon强调「渣男」和「渣女」道理亦一样，或许双方的道德价值观不同，但有时「锺意唔系大晒」，相处才是最重要，应该要在适当时候离场，笑言：「离开系一个学问，咩时候离场同股票一样」。