独家丨陈家乐强调为纪录操肌成果贴相被指同连诗雅放闪

2021-10-07 22:30

陈家乐经常提到恨拍剧兼做纪律部队，最近终在TVB剧《把关者们》达成心愿，更开心跟袁伟豪等对手合作愉快。讲到他早前跟女友连诗雅分别晒出海相被指放闪，他强调贴相只为纪录努力操肌成果，望外界将焦点放在工作上。至于19年以5000万买入何文田傲玟单位早前已取消交易，他有意转到新界区置业。撰文：杜杜摄影：沈健程发型：KenrickSiu 化妆：khaki yan

陈家乐在《把关者们》演退役剑击运动员、再投考海关的「陈家兴」，性格高傲自负兼唔合群，第3次拍TVB剧的他，同好多拍档都不认识，他自爆竟被袁伟豪（Ben）误会同角色一样好鬼寸，「Ben成日都话『第一日见到寸到个样』，我唔系寸，只系我见到啲未见过嘅人会私私缩缩，同埋近视又唔戴眼镜，人哋同我点头我又飘过咗嗰啲衰嘢，哈哈！佢话开头以为大镬合作几个月，但大家玩落好开心。」访问时Ben刚巧路过，见两人相处就知已变老友。

转到新界区置业

讲到家乐跟连诗雅一直低调拍拖，早前却分别贴同景出海相放闪，他就解释大家误会了他，「点解我会出呢张相，想讲番我身形变化，由上年拍剧前9月度开始练，中间增磅肥咗，拍广告又cut番，个过程好长，到咗9月够一年，搵个机会纪录低件事，焦点系身形嘅转变。」问到他对恋情一直低调，他就解释想等事业稳定再讲私人事，「好怕啲人见到我只系记得我私人嘢，而唔记得我嘅工作，坦白讲，我花喺健身嘅时间真系好多，系唔容易，都想观众留意呢啲努力上面，多过我私生活，所以唔讲太多。」

提到19年以5000万购入何文田傲玟单位，因工程问题而导致延期收楼，家乐跟家人商量后选择终止交易，并会再考虑再置业，「我始终大个仔，冇理由同屋企人住，不过上次拣嗰度就系屋企人觉得方便将来小朋友读书，佢哋谂到咁远，如果我自己拣会拣住佢哋隔离，住番新界区，但未有时间去睇楼住。」