独家丨施匡翘自爆入行两年冇人追自认保守阿妈好想佢拍拖

2021-11-06 03:00

施匡翘（Zaina）今年3月出完《康复期》后，事隔半年再推出新歌《Stay》，新歌唱出心声，唔好贪靓仔去玩火，要冷静观察同分析。入行两年嘅施匡翘自爆零追求者，她强调属保守型女仔，唔会随便开始一段感情，反而妈咪好想佢快啲拍拖，有男友从旁照顾。采访：方骞平摄影：沈健程化妆及发型：Wingkee Makeup 形象：C.Jo Lee

施匡翘出嘅第5首歌《Stay》系提醒大家，要对爱情「三思而行」。MV中她化身占卜师，一人分饰多角，其中「恶魔」造型会突破过往乖乖女形象，大骚46寸长腿突显性感狂野一面。原来中学时期嘅施匡翘曾跳过街舞，其后转玩瑜伽，𠵱家仲考埋瑜伽导师牌可以开班教人。

同娱圈人冇乜交流

25岁施匡翘自爆18岁初恋，拍咗两年拖：「做兼职时认识，后来我升学，佢就继续工作，大家少咗共同话题变得疏离，因为系和平分手，我哋留下嘅系开心回忆，如去长洲踩单车、食糯米糍，但妈咪一定唔会畀我过夜，就算𠵱家去做嘢，妈咪要知晒我schedule，否则成日打嚟问『阿B(乳名)你做紧乜？食咗饭未？』可能我系独女，佢惊我照顾唔到自已，好想我拍拖有人照顾，反而爸爸性格较小朋友，闲时爱打机多个管我。」施匡翘自言入行至今都冇人追，她与歌手们工作时来去匆匆冇乜交流，大家都忙只能闲聊两句，从来冇WhatsApp往来，IG互相关注除师弟谢高晋外只有冯允谦，她笑说：「我IG有follow张敬轩，但佢唔识我，冇follow我！」