林宥嘉囡囡Pippi好搞笑 丁文琪开心Share丧叫爸爸片段

又推介吓先，台湾林宥嘉太太丁文琪嘅社交平台好好睇，因为好多元化，有今日仔女食乜餸，又有仔女生活日常，最重要啲相嘅构图好靓，色彩同角度都好讲究，即刻上WIKI Check吓林太资料，中晒，去日本留学，实践大学服装设计系毕业，又读过日本文化服装学院，唔怪得啦。

仔女生活日常最好睇，因为小朋友童言无忌，3岁哥哥酷比成日赞妹妹可爱但又经常呷妹妹醋，但岁半Pippi的确好可爱同搞笑。林太忍唔住Po咗妹妹狂叫爸爸嘅短片上网，题为「传说中好笑的妹妹」，片中妹妹系咁叫爸爸，当中有高音又有低音，长度都唔同，连妈妈都忍唔住笑，记得睇到尾，歌手爸爸好温柔咁讲咗句，「听到了呀。」最后总结，丁文琪最幸福。