向海岚惊险体验当一日店长 王贤志自爆做过酒楼推点心

向海岚（Anne）与王贤志（Vinci）齐为代言的保健产品到寄卖店做一日店长，二人当日放下艺人包袱，落手落脚执头执尾，由搬货、执货到上架都亲自完成！事后两人接受访问，Anne坦言体验一日店长的过程紧张又惊险：「其实都有少少辛苦啦，因为自己好紧张，当有客人问嘢时要好熟悉产品资料，好惊自己会讲错，同时又好想做成单生意，唔多唔少都有啲压力。」提到她由产品代言人荣升投资者，Anne表示：「我投入程度好高，代言时已经好了解清楚产品，自己同身边朋友都觉得呢只产品有效，加上依家大家对保健品需求大，觉得市场前景唔错，所以值得我投资落去。」

至于司仪经验丰富的Vinci自言有一定的口材，售货时绝不怯场：「我觉得自己系个几好嘅售货员，因为我讲嘢都有说服力，加上我真系试食过产品，所以客人听完都好有信心。今日都唔算辛苦，一生人都冇乜机会做店长，我记得唯一一次系为慈善卖二手衫。」原来Vinci读书时曾在茶楼推点心：「搬货唔算好操劳啦，我细个读书时，屋企人移民加拿大开过一间中式酒楼，我有兼职做过『Busboy』传菜推点心，嗰时仲操劳，所以今日呢啲算系好轻松喇！」