独家│何超盈童心未泯兴奋过2岁囡囡 短裤街坊Look扫玩具

2021-11-29 23:15
行玩具铺,妈妈超盈仲兴奋过囡囡。
行玩具铺,妈妈超盈仲兴奋过囡囡。

已故赌王何鸿燊四房长女何超盈,2020年做人妻嫁畀细佢7年嘅哈佛大学高材生辛奇隆(Thomas),二人育有一女。眨吓眼辛千觅(Audrey Rose 「荷包蛋」)已经2岁,性格亦都更见明显。早排超盈带囡囡去买衫仔鞋仔同公仔,「荷包蛋」好似冇乜反应咁,以为小妹妹心情麻麻,点知日前超盈再带「荷包蛋」去买玩具,小妹妹对玩具又系冇兴趣,呢位小朋友个性相当得意呀!采访:梁志明

「荷包蛋」含住钻石钥匙出世,基本上要乜有乜,但不论家底富唔富裕,小朋友本性应该都系贪玩㗎嘞!不过「荷包蛋」与众不同,见到玩具都不为所动。日前戴住粉红Cap,着牛仔短裤的超盈同囡囡喺铜锣湾行玩具铺,一入铺头超盈已经跳跳扎,睇落仲开心过个女,真系童心未泯呀!「荷包蛋」全程都坐喺购物车,由妈妈超盈递玩具问佢意见,但「荷包蛋」依然好似闷闷不乐咁,近距离见到玩具都提唔起劲,咁奇怪都有嘅。

行玩具铺,妈妈超盈仲兴奋过囡囡。
行玩具铺,妈妈超盈仲兴奋过囡囡。
早排佢哋行街,「荷包蛋」都好似冇乜兴奋睇玩具。
早排佢哋行街,「荷包蛋」都好似冇乜兴奋睇玩具。

培养个女要有时间观念

虽然「荷包蛋」对玩具冇兴趣,但完全唔影响妈妈超盈血拼嘅决心,最后买咗几条公主裙同智能儿童手表畀「荷包蛋」。买公主裙唔知系咪想帮囡囡搞化妆舞会呢?至于买智能儿童手表,相信超盈可能想培养「荷包蛋」嘅时间观念,加上可以影相拍片,话唔定培养到佢爱上摄影,以后父母突然想留倩影都唔怕搵唔到人揸机啦。

连靓鞋靓衫都冇兴趣。
连靓鞋靓衫都冇兴趣。
今次超盈买咗公主裙同儿童智能手表畀囡囡。
今次超盈买咗公主裙同儿童智能手表畀囡囡。

「荷包蛋」全程唔使落地

「荷包蛋」喺玩具铺行咗几步路,就即刻坐上购物车。而离开玩具铺之后,「荷包蛋」一样唔使落地,事关佢行到边都有工人姐姐抱住。不过超盈并唔系将个女交畀工人照顾就算数,沿路都有Keep住同「荷包蛋」倾吓偈,关心吓个女。临上车前,「荷包蛋」指住个天好似有嘢发表咁,超盈都即刻走近听囡囡分享,深怕囡囡觉得被冷落。上到车就亲自抱「荷包蛋」坐返喺佢个专属位置,真系当正公主咁照顾有加。平时超盈畀人服侍惯,而家做咗妈妈要照顾返囡囡都有板有眼,呢位妈妈认真抵赞呀!

「荷包蛋」全程有人抱。
「荷包蛋」全程有人抱。
不过超盈都Keep住同囡囡倾偈。
不过超盈都Keep住同囡囡倾偈。
一上车超盈即刻抱「荷包蛋」坐返专属位。
一上车超盈即刻抱「荷包蛋」坐返专属位。
超盈2020年同哈佛大学高材生辛奇隆结婚,生活甜蜜。
超盈2020年同哈佛大学高材生辛奇隆结婚,生活甜蜜。
辛奇隆(左一)成功融入何家,大家感情好好。
辛奇隆(左一)成功融入何家,大家感情好好。
關鍵字

最新回应

關鍵字

相關新聞

热门文章