蔡颖恩荣升谭太唔识紧张 新郎激罕爆喊

模特儿蔡颖恩（Evelyn）与摄影师谭运佳昨日（28日）在双方父母和亲友见证下注册成为合法夫妇，结束8年爱情长跑。好友陈嘉宝（Anjaylia）见证仪式，表示好感动，她对Evelyn笑言：「欢迎加入人妻俱乐部！」腹大便便的Anjaylia捉住Evelyn的手摸自己的肚皮，祝福她不停生B。

婚礼昨日于金钟一间酒店户外花园举行，双方家长和亲友约50人出席，Anjaylia囡囡担任小花女，活泼可爱。穿上白色婚纱的Evelyn由爸爸陪同进场，一对新人互相宣读誓词及交换结婚戒指，Evelyn全程笑得甜丝丝，老公一度感动哽咽，非常感性。而在亲友热情的掌声和欢呼声下，他们三度深情亲吻，恩爱甜蜜。Evelyn大赞老公好靓仔：「我好惊喜佢今日呢个Look，平时好少Gel起晒啲头发，今日真系好有型，我唔会再畀佢Gel起啲头发，咁靓仔，畀其他女仔见到点算呀？！」氹得老公笑逐颜开。

接受访问时，新郎谭运佳透露筹备婚礼期间离港工作超过8个月，只可越洋筹备，Evelyn则负责张罗，她感恩遇到很多人帮忙。新郎说：「筹备过程轻松，我哋追求简单同自然。（生B计划呢？）都系追求自然，我哋都好锺意小朋友，一切顺其自然。」他被问到婚礼上哽咽，他说：「平时好少对住屋企讲深情说话，感觉特别大。」Evelyn说：「反差有啲大，平时都系新娘喊，估唔到今日调返转。」

而Anjaylia追问Evelyn成为谭太心情，Evelyn说：「今日个个都嚟问我『紧唔紧张？』我完全冇紧张嘅感觉，因为太多嘢要处理，冇时间紧张。」对于老公感性哽咽，她说：「午餐时我哋对屋企人讲咗一啲深情嘅说话，佢喊，连佢好熟嘅朋友都话估唔到。其实我好少见佢喊，就算睇好伤感或煽情嘅电影，佢都好少喊，今日见到佢呢一面，重新认识佢。」Anjaylia笑说：「最有趣系我结婚我自己冇喊但你喊，今日你结婚你冇喊但我喊。」

Evelyn透露婚后只休息一天，之后即投入工作，笑言没有时间生BB。Anjaylia立即捉住她的手摸自己肚皮，笑说：「即刻过啲畀你！」Evelyn笑说：「可以，我可以带你大女返屋企。」叫她过两招教新鲜人妻，Anjaylia说：「我识佢嗰阵已经好贤淑，会煮好多嘢食和持家有道。」Evelyn赞Anjaylia婚前只懂造一款最简单的甜品，婚后竟变成大厨，经常为囡囡亲手造面包和曲奇，进步神速。