邓月平手痕搵杯困住大黄蜂 网民吁小心报仇

23岁的邓月平（Larine）去年尾成立个人工作室，歌影双线发展之馀仲做埋幕后，有身材又有脑，绝对系周秀娜2.0。寻日，邓老板Po咗段片，片中佢搵个大啤酒杯吸住只大黄蜂，仲话：「omg美好的星期一」。赞只蜂好靓之馀，仲戴定头盔话欣赏完就会放佢走，不过网民就唔建议佢放返出嚟，「佢好大机会攻击你，就算唔攻击黄锋识认路，拖马『覆桌』仲大镬 。」、「依啲蜂真系好恶死真系会咬人㗎，KO佢好啲。」唔知邓老板点决定，但下次咪制嘞，人哋搵嘢困住你你都唔锺意啦。