真系好艳福丨《#PTGF》有大量感情线 赵善恒：担心自己做唔做到

电影《#PTGF出租女友》将于本月22日上映，故事改编自真人真事网络小说，赵善恒饰演的PTGF之王「家俊」，在现实生活中是真有其人，恒仔坦言在接拍之初确曾犹疑：「作为一个演员，无论任何类型电影都想挑战吓，当然PTGF唔系我熟识嘅题材同类型。我拎剧本后自己都犹疑，『家俊』呢个角色自己做唔做到？做唔做得好呢？」

后来恒仔决定与经理人商量：「佢同我讲好简单，想做演员就去挑战。都谂咗一段时间，系嘅，系应该要做同埋试练演技，加埋萧定一先生亲自打嚟同我讲，我觉得唔可以浪费机会，因为喺香港做电影演员嘅机会系好难得，就决定做呢个角色同埋尽能力演好。」要演一个PTGF之王的角色，恒仔跟导演郑峰岚亦有商量过沉迷的原因，恒仔说：「去沉迷PTGF系爱情观念同其他人唔同，同埋受过好严重伤害，于是开始接触而迷失自己。」

正因为角色沉迷PTGF囡囡，所以片内有多位PTGF出现，包括邓月平（Larine）、郭奕芯（Ashina）、张沛乐（沙律）、马俊怡（Rose Ma）、程美段等等，有不少网民赞恒仔好艳福，但他笑说：「喺戏里面系有好多女演员一齐演出，但实际上对我嚟讲，重点都系同『芷纯』（Larine饰）嘅爱情线。」虽然今次是两人首次合作，但郤是出奇地合拍，恒仔谓：「我觉得都好快好有默契，电影开拍前有围读剧本，大家都好肯商量，喺现场拍戏，拍摄到最后一刻，大家仲谂紧呢两个人嘅关系有冇得再深刻，我觉得呢次系非常好嘅体验。」