独家丨曾志伟誓将TVB山头夹埋变堡垒 仔女劝唔好做 节目唔可以教坏细路

2021-10-22 01:16
曾志伟不理子女反对落力付出,誓将TVB山头夹埋变堡垒。
曾志伟不理子女反对落力付出,誓将TVB山头夹埋变堡垒。

68岁的曾志伟在TVB短短8个月由副总理升至总经理,掌管晒所有节目内容,绝对是TVB史无前例升得最快的总经理。曾生坦言呢份工较想像中更加辛苦,但就愈战愈勇,除咗希望做好节目令到无綫呢只巨轮顺利向前航行外,他还有个特别任务,就系攻破TVB由来已久的「山头主义」文化,曾总经理好有信心地说:「我准备将咁多个山头变成一个大堡垒,希望将TVB全民皆兵,齐心事成。我喺呢个行业做开和事老,应该冇问题。」采访:方骞平 摄影:叶君海、谭壹致

曾志伟不理子女反对落力付出,誓将TVB山头夹埋变堡垒。
曾志伟不理子女反对落力付出,誓将TVB山头夹埋变堡垒。
行政人员
曾志伟本身谂住主攻节目创作,点知却变身行政人员,成日要去开会。
行政人员 曾志伟本身谂住主攻节目创作,点知却变身行政人员,成日要去开会。

升得快的曾志伟谦称自己唔系叻,而系王祖蓝及团队嘅功劳,强调一个人做唔到咁多嘢:「其实我哋试咗好多节目,由收视反映到观众对节目嘅喜好,《声梦传奇》、《日日妈妈声》、《好声好戏》系受欢迎,但好似《盛舞者》、《死因有可疑》冇咁多人锺意,但唔系做错咗,只不过摆唔啱时段同埋平台,应该将啲专题性节目放喺J2度,以前我认识TVB只有翡翠、明珠双辉映,𠵱家由81至85频道,加埋myTV SUPER、OTT等,将唔同嘢畀唔同嘅观众睇,因为平台分散咗收视自然较以前流失,但观众系冇少到嘅,只系去咗唔同嘅平台收睇。」

重点培训高学历年轻人
对于变身电视台高层,曾生提到最大挫败感系时间太少,工作太多,每日要同时间竞赛,而且电视台流失太多人才,入行嘅人又唔多,要花好多时间重新培育人才:「所以返到嚟要发起全民皆兵运动,由所有创作人员提供三个节目题材,围绕住香港及TVB需要乜节目、又有乜节目系最想做,最后喺80几个节目动议度拣咗三个,除咗之前制作嘅『九大综艺』外,原来年轻观众都锺意睇打麻将节目,所以嗱嗱声制作《麻将三缺一》,由艺人打广东牌。」曾生又说目前制作节目有三大宗旨,「娱乐性、正能量及正面讯息,因为我哋系免费平台,提供正确资讯好重要,而且要持平;制作啲正能量节目令观众睇得兴奋,又唔会教坏细路,朝住呢个目标制作节目就做乜都得。」另方面,又会好似新加坡政府咁,培训一啲高学历年轻人,从中再发掘宝藏。」

有满足感
成功力捧咗一班《声梦传奇》新星,志伟好有满足感。
有满足感 成功力捧咗一班《声梦传奇》新星,志伟好有满足感。
反转作息
志伟𠵱家反转晒以往作息时间,放公众假期好唔习惯。
反转作息 志伟𠵱家反转晒以往作息时间,放公众假期好唔习惯。

仔女追问几时肯享清福
除咗瞓觉,曾生坦言日日做到冇停手,亦试过做到病,所以仔女一日同佢讲足10几次,好肉赤咁追问他几时先肯享福,为乜做得咁辛苦?曾生笑说:「人最紧要交待自己,返嚟目的系为乜,我系想TVB只巨轮一路向前行,行得舒服同顺利啲,做到嘅话就系我上岸嘅时候。」当问到有否合适接班人?他坦言搞行政的未搵到,但创作上有C君同王祖蓝:「当日方逸华都系由歌星做到变老板。」除此之外,志伟坦言另一个任务系攻破TVB嘅山头主义:「我希望TVB团结成为一家人,我Day 1返嚟就做紧呢件事,𠵱家情况绝对有好转,其实唔难搞,大家嚟6楼餐厅茶座搵我倾吓偈,我会亲自冲茶请佢哋食件饼,饮杯茶食个包慢慢会沟通到。𠵱家电视行业系时候打吓仗,咁样团队会更加有士气。」

最后记者追问志伟𠵱家最想做乜?他谂咗阵说:「尽快搞得掂佢可以功成身退。」虽然他不设时间表,唔想将自己push得咁紧,但希望一年内完成,更指自己目前愈战愈勇。

儿子反对
曾国祥反对爸爸曾志伟忙到冇咗个家庭,日日提示爸爸要好好享清福。
儿子反对 曾国祥反对爸爸曾志伟忙到冇咗个家庭,日日提示爸爸要好好享清福。
应放J2台
曾志伟赛后检讨,觉得《盛舞者》较啱年青人口味,应该放喺J2平台。
应放J2台 曾志伟赛后检讨,觉得《盛舞者》较啱年青人口味,应该放喺J2平台。
有望升呢
曾志伟睇好好有创意嘅C君,有潜质升任做电视台管理阶层。
有望升呢 曾志伟睇好好有创意嘅C君,有潜质升任做电视台管理阶层。
分身不睱
曾志伟好忙,接受本报访问期间都要秒覆主席许涛讯息。
分身不睱 曾志伟好忙,接受本报访问期间都要秒覆主席许涛讯息。
放错平台
《死因有可疑》收视麻麻,志伟解释只系放错平台,搵唔到啱嘅观众对象。
07
放错平台 《死因有可疑》收视麻麻,志伟解释只系放错平台,搵唔到啱嘅观众对象。 07
发掘才华
《好声好戏》好受欢迎,仲发掘咗唔少艺人嘅隐藏才华。
发掘才华 《好声好戏》好受欢迎,仲发掘咗唔少艺人嘅隐藏才华。
分工合作
曾志伟及王祖蓝分工合作搞好TVB,𠵱家祖蓝负责节目创作,曾志伟做行政。
分工合作 曾志伟及王祖蓝分工合作搞好TVB,𠵱家祖蓝负责节目创作,曾志伟做行政。
山头文化
汪明荃曾痛批TVB嘅山头文化。
山头文化 汪明荃曾痛批TVB嘅山头文化。
關鍵字

最新回应

關鍵字

相關新聞

热门文章