独家丨Dee哥为Lokman Alton牺牲单飞娟姐约肥仔食饭培养感情

2021-10-21 23:45

食辣搞到在台湾call白车惨痛历史的Dee哥，最近拍住娟姐（练美娟）主持《辣王传》，大玩试食辣嘢，Dee哥直言同娟姐一齐拍时即揸流摊，而娟姐话晒「家属」见Dee哥面青口唇白唯有帮佢顶。新剧跟肥仔演一对，娟姐自爆有约食饭培养感情。Lokman早前在《头条》访问时，话想跟Dee哥及Alton合唱，Dee哥坦承牺牲单飞机会都想成事。撰文：杜杜摄影：叶君海服装：@lazynoon（娟姐）

Dee哥话受制作组所骗，以为只需睇班「辣妹」食辣，结果他变成胆集集要食，唯独拍住坚食得辣的娟姐先有一线生机，「我喺你（娟姐）身上学揸流摊，有你喺度我就可以揸流摊！」不过，除了娟姐踢爆他节目中只是倒数第3食得辣外，他同时要拍电影等工作多多，休息唔够仲要勉强食辣，搞到娟姐好替他担心，「佢真系拍到面青口唇白。（冇入院？）其实要㗎！但系佢冇时间入。」Dee哥说：「我嘅意志控制住身体，唔可以入院，唔系其他一齐冧。」

荧幕初吻俾郑中基

娟姐最近扮杜丽莎经典电影造型同郑中基拍广告成为热话外，在新剧《反起跑线联盟》跟绯闻男友肥仔演一对，一样令人关注，她坦言同肥仔有感情戏好唔惯，靠约食饭帮手入戏，「收工我哋有一齐食饭联络感情，每次同拍档都想工馀倾多啲偈，熟识多啲火花应该会好啲。」不过她强调同肥仔冇亲密镜头，「个荧幕初吻会keep喺度，唔抗拒任何可能性，唔想讲死咗一个。（郑中基？）如果佢想我冇乜所谓，哈哈！」

提到Lokman早前在《头条》访问时，话想跟Dee哥及Alton合唱，AK仲帮手改歌名《L.A. Trip》，Dee哥非常赞成，「我谂有呢个机会，大家期待吓，我哋会极力争取，我同花姐提出过想单飞唱歌，佢都唔畀唱，叫我唔好嘥钱，即系佢预咗我自己出钱。我个条件系唔单飞，你畀我同Lokman出歌，我谂花姐会接受到，我牺牲自己单飞机会。（歌名《L.A. Trip》？）呢个名唔差，去埋美国拍MV，搵埋娟姐着三点式，娟姐身材咁好。」但娟姐抗议：「我未应承咁快开呢个排头，我话晒你家属呀！（记：认家属嘅？）你下次问又唔同讲法。」