独家丨马天佑赞张新悦何嘉莉有进步 重新包装6位阿妈包有惊喜
2021-10-20 00:50 
形象顾问马天佑（Mayao）将于11月5日在麦花臣场馆举行首个演唱会《Reinvention 马天佑 衫。重奏》，邀得陈慧珊、关心妍、何嘉莉、张新悦、赵颂茹及谷祖琳着住他设计嘅靓衫，喺台上又唱又跳，Mayao保证令到6位靓妈好惊喜，更会令染指教育界嘅陈慧珊跳出框框变得更时尚！采访：方骞平 摄影：叶君海 场地：The Pulse
马天佑嘅处男Show系由音乐结合时装，歌手有行catwalk部份。他亦将6位女歌手形象重新包装。原来呢6位靓妈系Mayao儿时偶像，细细个就听佢哋啲歌，所以自幼脑海中有好多唔同嘅画面，今次可以呈现细个时嘅设计：「小时候我自闭到冇朋友，小学时获邀参加第一个生日会好惊独坐客厅一角，咁啱俾电视机播紧嘅何嘉莉《愈错愈爱》MV吸引住，觉得佢好有型同好正，我认为佢可以再升华啲，带出啲糜烂感觉。」
唱儿歌训练歌艺
Mayao又大赞张新悦的歌艺进步咗唔少，翻唱《明知故犯》竟然搣甩咗把「鸡仔声」，失去原有「就嚟走音」嘅风格：「咁样反而令人唔多习惯，不如你唱返渣啲啦！」新悦笑住解释：「系因为近几年同囡囡唱儿歌唱得多。」另外，何嘉莉曾隔空同薛影仪(阿仪)对唱《两种人》，她更多谢阿仪炒返红首歌：「我觉得佢几好呀！佢有佢个人风格！呢个世界需要有话题。」
關鍵字
最新回应