独家丨霍启刚买白酒芝士Salami玩惊喜 老婆40岁生日抱埋大女拣首饰

2021-10-19 23:00
一齐拣蛋糕嘅父女以英语交谈,可爱中妍见到蛋糕笑晒,之后佢仲帮爸爸眼拣首饰送畀妈妈。
一齐拣蛋糕嘅父女以英语交谈,可爱中妍见到蛋糕笑晒,之后佢仲帮爸爸眼拣首饰送畀妈妈。

2012年,被封为「最贴地富二代」的霍启刚(Kenneth)娶咗「跳水皇后」郭晶晶,婚后晶晶诞下一仔两女,一家五口好幸福。上周五系霍太40岁牛一,翌日霍生已经上载同老婆贺寿「食好西」嘅相到IG,因为两人打扮朴素,又简单食餐饭庆祝,冇炫富行为获网民一致赞好。其实Kenneth同老婆庆生点只食餐饭咁简单。上周四重阳节,本报就直击霍启刚抱埋4岁大女霍中妍去超市买白酒、芝士、Salami等及买首饰,明显为翌日生日的老婆制造惊喜。采访:张咏森

一齐拣蛋糕嘅父女以英语交谈,可爱中妍见到蛋糕笑晒,之后佢仲帮爸爸眼拣首饰送畀妈妈。
一齐拣蛋糕嘅父女以英语交谈,可爱中妍见到蛋糕笑晒,之后佢仲帮爸爸眼拣首饰送畀妈妈。
霍启刚拣白酒,对德国白酒最有兴趣。
霍启刚拣白酒,对德国白酒最有兴趣。

霍启刚果然不负「最贴地富二代」称号, 在IG贴同老婆食生日饭嘅相,对老婆讲︰「不经不觉第18次给你过生日,祝你生日快乐、永远18岁!」hashtag系简单幸福、生日快乐、老夫少妻同霍太,其实Kenneth都只系42岁,摆明用老夫少妻嚟氹老婆笑。

大女好活泼
霍启刚好锡老婆,亦愿意花时间去氹老婆。上周四傍晚,霍启刚同大女去咗中环太子大厦超市买嘢,因为公众假期关系非常多人,但两父女都冇唔耐烦,先去拣白酒然后芝士、Salami、果仁同薯片等,拣好就放落囡囡推紧嘅迷仔版手推车入面,着住橙色花裙仔嘅中妍好得意,推住车仔跟实爸爸行,仲帮手将食物放上收银枱,半个钟买完餐前小食同酒就离开。

有鱼子酱试食,霍启刚抱起囡囡一齐试。
有鱼子酱试食,霍启刚抱起囡囡一齐试。
买完畀钱,中妍仲帮手将食物放上收银枱。
买完畀钱,中妍仲帮手将食物放上收银枱。

齐试鱼子酱
两父女之后去咗睇翻糖蛋糕,由于无现货拎完咭片就去睇鱼子酱,因为有试食,霍启刚即抱起囡囡一齐试。 之后两人去咗睇精品,兜咗一阵就转去名模蒋怡老公开设的珠宝首饰店。两父女一齐拣礼物送畀郭晶晶,见中妍望住啲闪令令首饰入晒神,店员拎咗啲手鍊畀Kenneth睇,唔知最后买咗咩,但见Kenneth有签单,相信郭晶晶收到老公同囡囡一齐拣嘅礼物必定好甜。

生日餐小食有莎乐美肠。
生日餐小食有莎乐美肠。
又有薯片。
又有薯片。
亦有芝士。
亦有芝士。
霍启刚在老婆生日翌日帖文及相祝郭晶晶永远18岁。
霍启刚在老婆生日翌日帖文及相祝郭晶晶永远18岁。
上周六,霍启刚带老婆去长洲。
上周六,霍启刚带老婆去长洲。
仲食咗驰名大鱼蛋庆生。
仲食咗驰名大鱼蛋庆生。
霍启刚当日去超市买嘅系小食,正日生日餐就再食好啲。
霍启刚当日去超市买嘅系小食,正日生日餐就再食好啲。
霍氏夫妇与大仔霍中曦,长女霍中妍、孻女Laurina与已离世的祖母霍吕燕妮。
霍氏夫妇与大仔霍中曦,长女霍中妍、孻女Laurina与已离世的祖母霍吕燕妮。
關鍵字

最新回应

關鍵字

相關新聞

热门文章