Moka马路边打卡 妈妈取笑唔识摆Pose：这个腿怎么放

天王郭富城太太方媛（Moka），系网红模特儿出身，摆Pose影相绝对难佢唔到。但Moka噚日（16日）竟然系社交平台吐苦水，呻有人暗示佢唔识摆Pose，究竟边个咁大胆？Moka话：「我妈昨天（前天）给我拍照，拍著拍著说：『你去看看网上人家怎么摆Pose的、这个腿怎么放的。』你的意思是说我不会拍照吗？我妈居然嫌弃我不会摆Pose。」

哦，原来系Moka妈，难怪讲说话唔使畀面。其实，Moka即使Pose摆得唔好都唔紧要，人靓先系重点，短裙仔晒美腿，点影都痒眼啦。但相中见Moka企喺马路泊车位随处影相，确实有啲危险，下次都系行番上行人路，小心啲喇！