吴云甫囡囡1岁生日又撞正八号波 ：佢真系暴风女神

昨日（13日）前港男吴云甫囡囡Sinead的一歳生日，事有凑巧，Sinead在出世当日，撞正台风袭港并挂了8号风球，想不到一年后的今天，又遇上同样事件，难怪吴云甫在IG贴了庆祝的相并说：「旧年呢个时候台风『浪卡』袭港， 我个女系横风横雨之下出世，今年同样时候先来个『狮子山』再加多只『圆规』庆祝肥匿 1 岁生日！」太太林玮如（Jackie）亦笑称囡囡是风暴女神：「上年出世果（嗰）晚打晒双台风咁，今年又系呢个时候打风，仲要一波接一波。」

后来Jackie再贴了一张陀B的相片，分享做了妈妈的感受：「一年过去，今年今日竟然又系打风，突然好多回忆返晒嚟。上年呢个时候，系我第一日照顾呢只小魔怪，未上奶伤口又痛，仲要抱住呢只食极都唔饱嘅bb，真系好旁徨。喺医院嘅日子真系好难忘，个个都话妈妈好伟大，到今日，我都无咁谂过，话自己好伟大。我只系做咗自己要做嘅事，反而系妈妈们真系好坚强，好多嘢真系硬住头皮忍过去顶住做，做下做下，就做咗一年啦！」