轩仔任《空肚讲宵夜》嘉宾分享「遮遮」暗黑食品吓亲主持人

2021-10-13 19:30

张敬轩（轩仔）近日担任ViuTV节目《空肚讲宵夜》特别嘉宾，仲带埋因为佢而出咗名的外佣「遮遮」的日常小菜给三位主持梁祖尧、BabyJohn（蔡瀚亿）和陈俞希（Hailey）品尝，当中有曾是轩仔每日正餐的「原味道米粉」和白粥，米粉的汤底就是用来烚菜的汤水，而白粥的质地更非常竭身，令三位主持哭笑不得。轩仔笑言曾经十分忐忑，亦尝试同「遮遮」沟通：「第一两次佢就『Ok Sir』，但佢试完新嘢之后，我觉得都系唔好喇，都系做返基本嘢最好！」他又指「遮遮」不知是否因为金牛座的关系，个性颇为固执，就算沟通过后都会先坚持自己的做法。

问到「遮遮」平时会煮咩畀自己食？轩仔分享「遮遮」别具风味的家乡菜式：「佢会摆到啲大蕉熟到有黑点然后搵水煮，我见到佢无啦啦开炉煮嘢食，以为佢煮畀我食，就行埋去问吓煮紧咩呀?佢就话呢个系菲律宾嘅传统甜品。」又指「遮遮」会成条香蕉连皮一齐用滚水煮，令三位主持非常惊讶。
此外，谈到早前与黎明合作，轩仔大赞对方会照顾自己感受相当细心，还指黎明听到第一版录音后，三更半夜按照轩仔录音的部分，再亲自调整其本人的部分，更贴心地再问轩仔意见，令他觉得好窝心。