吴丽珠当年扮前B嫂收律师信 最难忘目击梅艳芳遇袭

吴丽珠（珠女）近日受访电台节目《旧日的足迹》，具备极高的「扮嘢」天份的珠女，当年在《欢乐今宵》模仿演艺名人至出神入化，自觉最成功的是扮「前B嫂章小蕙」，珠女忆述：「当年就快出场仲未有头绪，B嫂佢好靓女，讲嘢好斯文，仲有一分钟出场我先谂起佢嘅大眼睛有少少『对』，于是我做夸张啲啲，出嚟效果好好，笑到佢哋肚痛，我知道后来收到律师信，公司话帮我处理，咁都冇咁惊……」
然后有一次珠女转做地产，带客去浅水湾睇楼，业主正是B哥锺镇涛和B嫂：「之前我哋系通电话联络嘅，我谂佢冇料到我系Agent，我都冇谂过业主喺佢！我最记得嗰一次，见到佢心里面好尴尬，可能我心有屎！」

今年10月10日是「香港女儿」梅艳芳（阿梅）58岁的生忌，大家都怀念这位一代天后。珠女忆述最难忘1992年5月初那个晚上，如常在《欢乐今宵》收工后去九龙塘的一间卡拉OK玩，就给她遇上阿梅遭掌掴事件。珠女说：「其实佢系俾人『质』咗一拳，我亲眼见到，佢当时系由其他房间走入嚟坐低，我哋坐喺附近，嗰个人由另外一间房气冲冲走入嚟，好似话阿梅唔畀面，我当时都唔知发生咩事，我哋惊到叫走，我冇叫阿梅一齐走，因为我见好似有人帮佢解决同面对。事出突然，我惊到开车都脚软。后来，九龙城差馆叫我哋去落口供，我真系好担心阿梅。」
事后珠女没在阿梅面前再提起这事，「知道佢去咗泰国一排，再出返嚟应该已经系解决咗。」珠女大赞阿梅真心地好又够豪情，平易近人：「我听罗君左讲，佢有事阿梅就送咗一张冇银码嘅支票畀佢。我好佩服阿梅，佢嘅离开都有好多延续，佢嘅慈善、佢嘅故事，由4岁一个歌女变成一个搞慈善活动咁成功嘅人，佢冇白活到。」正在向阿梅学习的珠女自爆被好友叫「淘小姐」，因为我经常淘宝，又不介意著二手衫，并多谢汪明荃、狄波拉经常送衫给她。「我依家最担心就系梅妈，佢年纪大，以前我哋 经常有接触，始终佢系一个老人家。」