胶战2丨团队赞6胶玩得投入 坚持传承建立香港电视业

由吕爵安（Edan）、岑珈其、魏浚笙（Jeffrey）、刘沛蘅(Hillary）、黄正宜（阿正）和徐浩昌（肥肠），合称6胶主持的ViuTV综艺节目《胶战》，去年播出时大受欢迎，其后宣布添食开《胶战2》，节目将于明天（10日）播出，日前ViuTV邀请《胶战》的制作团隧，在《今世做电视》系列中大谈全靠公司肯放手，不会墨守成规，令到《胶战》在低成本制作下仍深受欢迎。

访问上监制李宏达（阿宏）和编审林文静（文静）大赞6胶为节目花了不少心机，又点名赞Edan，阿宏话：「镜头后，佢哋都会商量点去玩个game，又会好投入去玩，会好用心去度点样将自己个性格突出啲，好似Edan成日对Hillary好变态，珈其好似爷爷咁，一嘢被辣㷫！」在大家的商量下，团队共试玩超过一百五十个游戏，最后只有四十五个游戏能拍摄，认真程度实在令人佩服！文静大爆阿宏要求加入女主持，阿宏笑说：「如果六个都系仔，得佢（文静）开心，都要其他观众都开心先得！」文静抢答：「明明系佢自己想开心，Hillary系监制自己拣嘅！」之不过靓仔靓女系人都锺意睇，所以最后找来Jeffrey：「我哋觉得一定要个靓仔，但一定要够胶嘅，如果唔系会唔好睇，试镜时发觉Jeffrey真系好胶，同埋佢有种天然呆，试玩啲无聊游戏嗰时都好认真，系好想赢好认真去玩，够晒胶！」

不过，两人觉得高层放手自由度大才是最能成就《胶战》成绩，文静说 ：「鲁晖（鲁庭晖）叫我去试呀嘛，我sell畀佢时，佢问我『制作组够唔够胶？啲game来来去去都系嗰啲嚟，不过睇你哋点去处理，如果你信得过你班制作组，咁你就去做啦﹗』我之前冇做过综艺，除咗公司支持，业仔（导演吴继业）教我要放手畀团队去试，咁先可以行出一条路出嚟﹗我同阿宏都系传承业仔，一代一代咁传落去，去建立香港嘅电视业！」
阿宏亦坦言很幸运加入ViuTV：「呢间公司优点系自由度，佢可以畀你失败，唔得就再试，失败咗之后再做好啲！」又指视为师傅的导演业仔：「佢教我做呢行要冇大冇细，唔需要谂佢感受，除咗畀机会放手畀我哋啲细嘅去做，佢亦好有承担，试过之前啲节目做得唔好，我问我系咪要引咎辞职，业仔话系都佢被解雇先，佢点都去撑住我哋成team！」在访问尾声， 业仔坦言千祈唔好当自己系老前辈：「每一个行业一定有新人，新人有新思想，错咪错又唔系孭唔起，遇到乜障碍，我去处理，咁先可以令呢行更有生命力，我都要同年轻人学习，唔好当自己系老前辈，咁会唔进步！」