独家丨宋宛颖6岁已谂定选港姐 梁凯晴想做陈法拉邵初视梅艳芳为目标
2021-10-06 23:00 
今届港姐冠军宋宛颖、亚军梁凯晴及季军兼「友谊小姐」邵初有共同特点，就系童年我的志愿都想成为港姐，三人一齐梦想成真！22岁宋宛颖自爆6岁已有参选念头，足足恨咗16年！而她眼中嘅「最美丽港姐」是同属中葡混血儿的李嘉欣，至于想唔想似「大美人」咁嫁个好归宿，或者婚后生女传承第3代选美世家？她笑说：「我又冇咁谂喎，反而好享受做演员。」采访：方骞平 摄影：叶君海
宋宛颖(Sabina)出身选美世家来头不少，妈妈系1990年澳门小姐亚军文宝雪，当年冠军系佢表姨妈。文宝雪亦于1991年参选华姐，跟袁咏仪是同届佳丽。宋宛颖刚大学毕业，在妈咪支持下参选，「我有个孖生妹妹，我哋细细个成日同妈咪玩选美游戏，轮住嚟赢绕场一周。2006年(6岁)时我开始有留意港姐，好记得当年贴中陈茵媺夺冠。」
妈咪将后冠放牀下底
问到有冇谂过传承第3代选美世家？她坦言冇咁嘅打算：「我大个咗先知道佢哋选过美，呢个系我志愿，其实唔系乜嘢大事(出身选美世家)。对我嚟讲结婚生仔都系好遥远嘅事，第时生女先算，我谂我都会用妈咪嘅教育方式，放心畀佢做想做嘅事。」至于两母女嘅后冠，会否放喺屋企当眼位置？她大笑说：「我未收到喎，妈咪个后冠好似放咗喺牀下底。」宋宛颖好想成为演员，最欣赏黄宗泽及陈豪，目标系做章子怡，亦唔担心「鬼鬼哋」影响发展：「香港系国际化城市，唔系中国人样先代表到香港，我见谢嘉怡及陈凯琳发展得唔错呀！」
梁凯晴邵初同爱伟仔
至于拥有高学历，毕业于英国名牌大学，回港再于香港城市大学修读Master嘅梁凯晴目标想做陈法拉，最恨同陈豪及梁朝伟合作，希望之后有更多表演机会：「其实我细细个就想参选，但当时遭父母反对，而家可以自主：「其实知识一世都会用到，绝对唔会浪费！」另邵初亦欣赏伟仔及甄子丹，她最想有「一代天后」梅艳芳嘅成就：「佢性感得嚟带点不羁，唔系低俗，呢啲性感我系可以接受。」
最新回应