独家丨吴林峰开骚减磅关妈咪事 Busking到个唱太不可思议

吴林峰出道两年多，由Busking到下周16日在麦花臣举行个人骚《明天一切如常演唱会》，拥有首个舞台他觉得好不可思议，又开心行到这步能实现对自己承诺。他形容这个骚就好似自己第一个BB，所以除了狂做音乐准备，还狂做运动减磅望变fit登场，他又解释扚起心肝减肥，原来跟吴妈妈有关。撰文：杜杜 摄影：叶君海 发型及化妆：Kaho Cheng 服装：A［S］USL

由在街头Busking到有个人演唱会，阿峰最开心能实现对自己承诺，「我觉得噚日仲喺公园仔度唱紧歌，原来已经行咗一段路，做到好多畀自己嘅承诺，譬如我同自己讲过拣定咗呢条路就唔好放弃，到而家我都未有呢个念头，我同朋友讲过有场自己骚就会一齐上台，我喺音乐路好感恩身边有好多人同我一齐玩。同埋以前好多人笑我，个名关系我叫林峰，啲人笑我唔系林峯，我成日少年轻狂咁讲『你等住颁奖礼会见到我个名』，我心态唔系攞奖，至少《叱咤》我行出嚟真系有我个名，原来唔系咁锺意我嘅人慢慢会欣赏我，但系我冇话谂住要令佢哋改观，只系证明我唔系hea做，唔系用把口讲我有几努力。」

为个唱积极准备

筹备个唱心情，阿峰形容是「兴奋得嚟又紧张，紧张得嚟又惊」，就似第一次当爸爸，为此他近日勤练歌及跟老师学习唱歌外，还将写给别人的歌重新编曲，希望到时不似作品展方式去演绎。另外他还积极减肥，望由现在87kg减至理想的80kg上台，不过他解释由最重114kg扚起心肝搣甩肥肉，原来跟演唱会冇关，「未知有呢个骚嘅时候我已经减紧肥，原因系今年好想有啲嘢系付诸行动，唔想得个讲字，我由中学毕业到而家次次都话减，同埋上年我妈咪有啲身体不适，又有啲朋友有病，影响自己有啲嘢想攞番啲火去做，决定今年做番多啲运动，想自己keep番好少少状态同健康，我觉得个骚系一个阶段结束同开始，我想呢个阶段用最好方法去摆个逗号。」除了健身、跑步同打篮球外，他还「拣饮择食」配合，「戒咗比较肥嘅猪，牛都尽量少食，食鸡、鱼、虾，同埋唔食咁多油同埋淀粉质嘢食，如果忍唔到口都会偷食吓，但你知系偷食会食少啲。」