王梓轩邀文凯婷做嘉宾借机解画

　　（星岛日报报道）由王梓轩主持的音乐节目《演斗听》，每次都会邀请不同的嘉宾亮相，最新一集便请来《声梦传奇》学员文凯婷及何晋乐等人大斗歌艺。早前有指王梓轩在《声梦传奇》中质疑文凯婷，王在今集中借机澄清。

　　今集《演斗听》邀请了《声梦传奇》学员文凯婷(Aeren)、何晋乐(Rock)、林君莲（莲姐）、张驰豪(Aska)、林智乐(Felix)和孙汉霖(火鸡)， 6位声梦学员在节目中进行音乐Battle。身为Monster队队长的王梓轩，大赞同组的声梦成员表现很多。早前有指王梓轩曾在《声梦传奇》任评判时质疑Aeren的能力，并抛下一句，「Why are you singing?」令外界误会王梓轩。

　　今次既然有机会跟Aeren同台，王梓轩趁机澄清，他说：「之前我上《声梦传奇》做评判时刚好要评Aeren，但我嘅评语经过剪辑之后得返一句：『Why are you singing? (点解你要唱歌？)』。当时有唔少网民误会我质疑佢『点解仲要出嚟唱歌？』其实我系想佢搵返同歌曲嘅共鸣！今次呢班学员上嚟，我好希望展示到俾观众睇佢哋好立体，有好多可塑性！」

看见队长王梓轩为自己如此上心，身穿热裤露出小蛮腰的Aeren即刻回应：「我知梓轩系为我好！好开心个节目令我哋发掘到自己嘅潜力！同时亦容许我哋NG，发现错少少唔紧要，呢啲就系Free Style，即兴嘅气氛真系好好。我平时有写开Rap，但广东话就真系少啲，今次有机会试吓，就算写得唔好都系Free Style。」

　　话明分组Battle，除了Monster队，另一组Wizard组嘅嘉宾，一致认为最难系《Remote你点唱》环节，期间VSing以「a cappella」形式伴奏，Rock大赞：「真系好劲，平时拍MMO系揿一个掣，依家系有五、六个人帮你和，一出错就死喇！佢哋随时入都得㗎！我系第一次同a cappella夹歌，之前识Bernard，佢系弹Cello，我依家先知，原来佢都识和音，哈哈！」不止，连莲姐亦大赞VSing专业：「个感觉系佢哋真系好Pro，佢哋跟到我哋，好似自动播带咁。」莲姐指一早在节目巡礼介绍时已经想试《演斗听》，但冇谂过真系有机会参与，所以劲开心！