黄宗泽坐游艇吹海风 以为佢叹紧世界原来开紧工

黄宗泽(Bosco)跟吴卓羲、王浩信及胡定欣等最近日以继夜赶拍以廉政公署为题材的电视剧《廉政狙击》， 虽然好忙，但佢哋忙得好开心，经常自得其乐，早前喺学校取景拍摄，一班中佬仲扮学生，话自己回到三岁，佢哋就想嘞。

寻日中秋节，Bosco上载咗两张相到IG，一张系佢着住背心短裤坐喺游艇上，感觉好叹，正想留言讲「你就好啦」，再碌下张相，取景阔咗，见埋王浩信，唓，原来开紧工，当事人话，「祝大家中秋节快乐，不过我都系扮放假，其实都系要开工！」身处海中心开工，好好啦已经。