独家丨王敏奕：令我最瞓唔着觉角色 《把关者们》演Madam压力大

入行13年的王敏奕演过不少角色，竟因TVB剧《把关者们》饰演海关毒品调查课监督「Madam Wan」搞到瞓唔着，因她觉得同角色相差太远，担心自己驾驭不到，为了演到Madam气势，她专登去操大只，不过始终王妈妈最了解她，竟然一语道破她跟角色相似地方，令她对演出重拾信心。撰文：杜淑霞 摄影：叶君海 发型：Ken Hui@ii Alchemy 化妆：Henry Li 场地：Pier 1929

敏奕本来知道演纪律部队角色后好兴奋，因有她最爱的动作及揸枪戏份，但看了剧本后却一直好紧张，「暂时接咁多角色，令我最瞓唔着觉嘅一个角色，因为第一次有个感觉惊自己做唔到。」她担心除了角色年纪跟本身差一截外，也怕自己不似角色硬净兼冇Madam气势，「毒品调查科Team Leader，仲要系呢个角色好硬净，首先我嘅声音同埋我嘅年纪，好多嘢我会觉得同呢个女仔好唔同。」

请私人教练操大只

为了外形上更似Madam，敏奕决定操大只，但相对于18年演出《飞虎之潜行极战》扮飞虎队时准备差好远，「而家个人大咗好多谂法都可以付诸实行去做，譬如以前冇可能请私人教练，财政上都唔容许，心智上去处理一个角色状态都好唔同，嗰阵时都真系个靓妹，而家执行能力都比以前强咗好多，所以对自己要求亦都高咗好多，知道个角色系好重要，如果演唔好会拖累个剧。」



顾虑多多的敏奕，除了得到监制、导演和海关不少阿Sir肯定演出，王妈妈一番话亦令她松了一口气，「当全世界99.9％话『你演紧一个完全同你唔一样嘅角色』，竟然我阿妈话畀我听唔系，『你喺我心目中就系咁』，喺佢心目中我系咁硬净，咁有办事能力咁强悍嘅女仔。因为由我好细个选择做演员、读书，都系自己做决定去执行去面对，佢讲完后我发觉原来我同呢个女仔都有相似地方，反而系阿妈了解呢件事，其实系形式唔同，处理嘢责任上都系硬净。」