演斗听丨林欣彤妒忌泳儿食极唔肥 Battle火花四溅

泳儿、林欣彤（Mag）、曾乐彤、洪嘉豪等担任新一集《演斗听》嘉宾，泳儿和Mag因合作《声梦传奇》结缘，今次再遇有机会同台「互片」，Mag说：「我哋冇闹对方，我唔系羡慕，而系妒忌佢，因为佢真系食极都唔肥！」泳儿则说：「我哋冇夹过，系默契，battle嗰段都系噚晚先谂，好锺意佢首新歌《林中鸟》，呢个时候梗系宣传新歌啦。」

二人大赞王梓轩（Jonathan）为节目落足心机，泳儿说：「我哋乐坛需要多啲新嘢，万事起头难，开心Jonathan愿意行呢步，佢私下WhatsApp晒我哋所有歌手，好用心，有份参与觉得几好玩。」

另外，曾乐彤笑言与洪嘉豪Battle时好似打了一场交，她说：「我系完全豁出去，净系觉得同佢打咗场交就返埋位，简直进入忘我状态，出咗窍。」洪嘉豪则说：「我哋做歌手好多时喺镜头前太正经，明明本身唔系咁，其实可以俾人哋睇到好玩一面，我同佢friend咪不停遮住佢个镜头，哈哈。」曾乐彤即反驳：「所以我要『𡁻』佢。」王梓轩希望透过节目，让观众看到歌手们真实个性。