AL AK双Anson斗肌半夜大晒巨胸加「底底」引死人

2021-09-30 06:30

MIRROR成员Lokman(杨乐文)、Anson Kong (江𤒹生)、Frankie(陈瑞辉)、Stanley(邱士缙)同Tiger(邱傲然)喺演唱会上show过肌，Ian(陈卓贤)都喺IG晒过半身照，人气最劲嘅「教主」Anson Lo(卢瀚霆）及AK昨晚「夜妈妈」突然喺社交平台派「军粮」引诱人，各自上载咗4张半裸上身爆肌相，只见两人唔止有6嚿腹肌，上身肌肉线条明显，展露骨肉均称嘅完美Body，Fans仲难得见埋偶像条「底底」。

由于「教主」平日惜肉如金，大热天时都着长褛现身，所以呢辑相惹嚟好大反应，令「神徒」进入疯狂状态。其中一张相冇着鞋袜嘅「教主」解开咗牛仔裤裤头，拉住底裤边，双膝跪地，用迷人眼神望向镜头，性感诱人，另一张相就装作扣裤链，大家又随佢嘅动作将视线向下转移至下身位置，真系睇到「神徒」流晒鼻血，令人想入非非杀死人呀！林欣彤及张嘉纹睇到哗哗声；李静仪(Heidi)及坤哥分别留咗冇眼睇及流口水emjoi；林二汶留言话「呢个坚系劲」；Serrini就话「很喜欢」；欣宜就话「我经已死了！」

至于AK比Anson Lo更大胆剥得更多，仲扯高前幅衫尾到下巴位置。最搞笑吴嘉禧(Cheronna)留言：「夜妈妈post埋啲咁嘅相，叫婶婶点瞓得著呀？」作为生粉嘅张嘉纹更睇到火都嚟埋，不满男友林子杰，留言话：「𠵱家望住屋企嗰个，同你落差太大了！」、又有指「今晚生粉流鼻血成河SOS！」、「地拖唔该！」