胡慧冲增值器材拍片新相机开封一周即跌烂劲心痛

2021-09-27 13:00

居泰港人胡慧冲（Roger）喺疫情下不忘四周围去，出钱出力发掘唔同景点，报导泰国最新状态。最近Roger比较清闲，所以绞尽脑汁谂题材，每日喺youtube个人专业出三条片，仲豪花五千五百蚊港币添置新相机，另外又买埋无线咪，点知新机落地唔够一星期就跌烂咗，跌到成个镜头向下弯，有待修理，真系心都痛埋！有网民仲取笑他，话以为系有转弯嘅偷窃镜！

他即解释说：「人要有进步，影嘢都要求要高清少少，听闻呢部机影到猪乸都会变貂蝉，所以思前想后买咗呢部相机。平日我唔太锺意拎嘢，今日心血来潮，带咗呢部相机出去Siam Square拍片，点知因为承托相机嘅脚架唔够专业，变咗上重下轻，现场一阵大风将相机同脚架吹倒，镜头着地时撞歪咗要入厂维修！惟有当破财挡灾，而人为损坏唔包保养，原厂会喺一周内报价畀我。」