张继聪上载「异形」短片求真相 慎入极呕心

张继聪噚日（26日）喺社交网上载一条超诡异兼恐怖嘅短片，提醒大家短片谂清楚先好揿入去睇，因为可能会引起不安，佢留言：「What is that！？求解答！条片喺朋友group度传嚟传去，咩嚟㗎？香港嚟㗎？CG？有冇朋友都收到呢条片？有冇人知咩料？」
片中见到一只黑色生物黐咗喺墙上面，朦胧中见到好似有个头同圆拱形嘅身体，但最吓系嘅系只嘢至少有廿只脚，喺度不断郁郁吓！网民睇完都觉得好呕心，留言：「好恐怖」、「系咪异形！」仲有人估系乌龟，千奇百趣乜都有。

不过，有心水清嘅网民就话一早有人澄清咗系假，留言：「长辈群组嘅威力，呢啲片，一睇就知假，系啲人玩cg，好锺意整好多『制作』fake人。」、「有人澄清系佢哋大学功课，佢读电脑特技嗰类。」咁都放心啲，吓死人咩！