Hillary为拍《胶战2》努力减肥 踢爆Edan@MIRROR好难约
2021-09-16 07:30 
最近正在拍摄ViuTV综艺节目《胶战2》的刘沛蘅（Hillary），天生一副baby face，但天生的包包面却令她非常困扰，为上镜更瘦更靓，Hillary近日积极减肥与调理身体，她说：「我不嬲食极都唔肥，但之前去咗内地做嘢，唔知点解食完就肥咗，可能老咗，新陈代谢慢，肥咗近10磅，而家戒食宵食同糖，希望可以快啲瘦返。」
《胶战2》拍摄如火如荼，Hillary断言这一季必定会比上季精彩：「因为我哋六个已经熟络晒，大家都好真实咁相处，又不时互寸，火花愈嚟愈多，私底下我哋都会约出嚟去食饭饮嘢，Edan（吕爵安）系最难约，不过佢都好好，尽量抽时间出嚟。」
另外，早前Hillary重操故业出任广告模特儿，为日本护肤及化妆品牌拍广告，期间见她水樽不离手，Hillary解释：「我而家会每日饮两公升水，我一向唔锺意饮水，一日唔饮一杯水都得，知道系唔健康，但有一日见到个好大嘅水樽，好靓，上面写咗一啲鼓励字句，买咗落嚟就下定决心每日饮两公升水。」
關鍵字
最新回应