陈山聪抓紧时间与爸爸过最后时光 遵从亡父遗愿娶Apple

陈山聪日前应陈敏之的邀请，为她的YouTube Channel担任嘉宾，在昨日播出的第二部份访问，陈山聪谈到与爸爸相处的最后时光，一度不忍住流泪：「我爸爸系因为癌症过身，佢走之前嗰两年，系我见佢见得最少嘅时候，嗰阵佢喺澳门。佢真系好锡我，虽然我唔系乜嘢大嘅伤害，但系喺嗰段时间，我知道我令佢好伤心。」

山聪续说：「喺我好细个嗰阵，爸爸已经同海哥讲：『将来我走咗，你一定要照顾细佬！』我同海哥唔系同一个妈咪生。好彩喺佢临走嗰段时间，我啱啱返入TVB，拍紧添哥套剧，我知见佢嘅时间唔多，所以每一日坐船返澳门探佢，嗰阵Apple都有陪我一齐去，我知我能够做嘅，只有系最后嘅陪伴。」山聪又称当时爸爸赞Apple是好女仔，一定要她做自己的媳妇：「佢话俾晒银行户口啲钱我，叫我哋结婚，嗰阵已经系去到佢最后嘅日子，我听咗爸爸呢句说话，我一定要娶Apple做老婆。」

其实当时陈山聪与何超云的感情问题，与家姐伍咏薇反目多年，直到2017年两姊弟才重修旧好，山聪在节目上亦提到：「当嗰件事发生后，大家冇一齐玩，我试过喺厂撞到陈敏之，佢直行直过冇打招呼，人情冷暖，呢个我系明白，将心比己，如果系我，我都会咁做，每个人嘅睇法系唔同，我唔讲人，剩系讲自己，用时间去证明。」