梁祖尧不忍「前夫」帮手派应援物资：作为男人你估唔𤓓咩

早前梁祖尧（阿祖）应「我老婆嫁左畀MIRROR导致婚姻破裂关注组」谷主RC的邀请，出手调教「镜粉前夫」的婚姻，于是阿祖找了两个惨烈又搞笑个案上门调教！在一个个案中，「前夫」Matthew先以「姜太」来介绍「前妻」，接着又爆「前妻」在生日当日撇低自己，约一班姊妹入梅窝「打卡」，直言：「老公你唔使帮我庆祝喇！」不过疯狂事件又点止得一单，Matthew续说：「有日揸车见到教主架邮轮，佢就叫我『揸慢啲呀，我要影相呀！』我话呢度系高速公路，点样揸慢啲呀？」「前妻」笑指当时没想过是危险事，阿祖忍不住叮嘱「前妻」要理性一点。

Matthew又称因为替「前妻」储齐MIRROR闪卡而要被逼食包，最后搞到肥了两磅：「我希望自己唔好再肥落去，呢个其一啦！有时我又觉得，追星嘅时候又唔带埋我，我自己一个人喺屋企，我又冇咩嘢做。」阿祖追问他：「你真系想去?」Matthew表示：「咁我去嘅时候我见到佢嘛，咁我见到佢笑，咁咪ok罗！」但阿祖忍不住踢爆：「你呃到我，你呃到你老婆，你都呃唔到全港观众。」

之后，阿祖到了另一位「前夫」和「前妻」袁生袁太的家，阿祖一踏入屋直言是S级，因为全间屋都是姜涛，包括墙身、衣架等等，甚至全天候播姜涛的MV。提到MIRROR早前开了6场演唱会，但「前妻」表示只看5场并解释：「因为我个仔出咗IG Story，feel到佢好似唔系几开心，嗰日我老公见到我，虽然我个人坐咗喺度，但个心都唔喺度。」阿祖笑指很有外遇的感觉。

「前夫」不否认自己有呷醋：「话冇都唔信啦！如果追星追到咁，成屋都系佢（姜涛）啲嘢！我当睇唔到，成屋都系咁，可以点吖？」阿祖表示十分认同，指屋内任何方位都会看到姜涛的踪影，「前妻」立即作出平反：「其实我间房冇㗎，得个厅有咋嘛！」阿祖又为「前夫」出头：「你又负责接送，仲要去帮手派应援物资，呢吓你估唔𤓓咩？作为一个男人！」