独家丨梁祖尧望音乐剧畀力量港人 珍惜回忆唔好伤春悲秋
2021-09-16 22:49 
风车草剧团梁祖尧、彭秀慧、汤骏业(Dee)、邵美君将于10月再度上演音乐剧场《回忆的香港》，带领观众回到过去，藉著回忆展望将来。祖祖话近两年香港经历咗唔少变化，同以前唔同晒，内容要重新砌过；Dee坦言创作新版希望从学习面对逆境中，可以畀到力量大家撑住。采访：方骞平 摄影：叶君海 发型：Jo Lam & Jaden R @ Salon Trinity 化妆：Deep Choi @ deepmakeup, Jazzy & Iris Luk 造型：Yee Li@Soulmeen 服装：Rickyy Wong Studio（汤骏业、邵美君），JW Anderson @ Farfetch（汤骏业）场地：JAS Party&Studio
新版本《回忆的香港》会将香港经历过嘅疫情放埋落去。汤骏业 用「五味杂陈」来形容咁多年嚟香港人嘅经历，唔止苦辣，仲有温暖嘅甜喺身边：「喺蒐集资料中，香港曾经历过高高低低时代，由67暴动到疫情，有好多大是大非，包含住香港人撑得住过去，我哋想放大呢啲甜嚟撑住未来嘅日子。」
要创造更好嘅嘢
阿Dee再补充，「希望我哋创造啲好正嘅回忆，大家唔好伤春悲秋，而系创造更好嘅嘢，等将来可以睇返。」祖祖就有感而发话：「回忆系诡异嘅，冇得拣记得乜唔记得乜，好多好想记得嘅嘢偏偏会唔记得，所以今时今日香港，要对回忆更加珍惜同回味，呢刻重演对我哋意义好大。」阿君话今次会加入他们成长的小故事，由小时候成长的背景开始，当中包括演绎陪住他们成长的许冠杰、梅艳芳、张国荣等嘅经典金曲及广告歌，等观众得到共鸣。
最新回应