代沟关注组丨有后辈为夜蒲忽略工作 鼎爷嬲爆：返到嚟都未回魂

TVB清谈节目《代沟关注组》昨晚（9日）探讨两代夜蒲差异，Maria Cordero（肥妈）忆述当年后生时连看九点半也是「Mission Impossible」：「我十点半前唔返屋企，我妈可以打跛我只脚！以前交通冇咁方便，所以最多睇七点半，十点半之前一定要返到屋企，如果唔系佢真系唔开门。」江嘉敏虽然「戴头盔」指讲述的并非亲身经历，但其所说的正正反映了现代人夜蒲时钟：「凌晨两点先开始蒲！（全场哗然）去到五、六点咯，起码玩到食早餐先！」

此时，李家鼎（鼎爷）爆料指曾有后辈因顾住夜蒲忽略工作，并劳气谓：「好多新一辈返到嚟剧本都唔知嘅，有监制叫过佢哋唔好蒲，话嗰场戏好紧要，但佢返到嚟都系未回魂咯！」

除了时间大不同，两代的夜蒲观亦略见差异，肥妈透露以前去蒲的都是顶级艺人、音乐人及电影人，故此必须悉心打扮才获准入夜场，不像现在这么Casual，肥妈谓：「如果著得唔靓，你有几多钱都唔畀你入。」邝洁楹（Judy）则大爆曾在夜场见到有人拿著拐杖，令她大感惊奇：「我问我朋友到底系有几想蒲先会攞住拐杖？其实佢唔系好Un到，但佢个头就喺度揈咯！」Judy忆述事件时更边说边揈头，十分可爱。

而今晚主题为「网络世代之争」，众人就「网络欺凌」问题作出讨论，江嘉敏坦言初入行时对于网络留言很上心，情绪更会因而被牵动，最后她决定「眼不见为净」，将电话内所有新闻及讨论区Apps删除。鼎爷则指当年虽未有网络世界，但粉丝们会以激进方式攻击偶像的劲敌，令后辈群组及主持听后大感哗然。