【独家】鼎爷目击准新郎嬲「卖女」扫枱 肥妈坚持生仔要紧愿意养埋个孙
2021-09-07 00:15 
TVB清谈节目《代沟关注组》主题贴地又好笑，愈做愈有惊喜，继21岁游嘉欣（游游）喺首集节目中自爆系「A0」，就被肥妈质疑系假处女成热话！「尾二」嗰集李家鼎（鼎爷）就自爆曾喺自己食店目击有准新郎不满女家「卖女」嬲到扫枱！肥妈就坚持下一代一定要生仔，仲话唔介意养埋个孙。采访：方骞平 摄影：叶君海
《代沟关注组》以欢笑沟淡代沟，「尾二」嗰集肥妈、黑妹姐、鼎爷跟陈诗欣、蔡嘉欣等探讨礼金问题。待嫁陈诗欣爆朋友的朋友苛索50万礼金加车，搞到男家唔太开心。鼎爷也见过有亲戚开50万加100围酒席，男家一肚火满足完女家要求后，男家同女家断六亲，鼎爷说：「我好憎呢啲，问题系有冇咁多亲戚先？」他又透露身边亦有个「好霉」嘅朋友因为冇要求，女婿竟送上两张合共过千万嘅支票！至于肥妈就话见过男女家因拜山问题嘈交，笑言：「真系留返拜山先讲！」
陈诗欣赞肥妈系好奶奶
陈诗欣将于9月尾过大礼，礼金交由未来老公处理：「双方家长坐低食饭只系闲聊，完全冇提过要几多，因为我觉得都系心意，我爸妈都唔系在乎呢样嘢，我冇同未婚夫提出，到时拆利是先知系几多。」她又大赞肥妈及黑妹姐系好奶奶，新抱生完会送瘦身疗程：「真系大开眼界，听到都双眼发光，不过，我未来奶奶都好好，成日煮嘢我食！」另外，肥妈坚持下一代最重要生仔，如果下一代冇经济能力，唔介意养埋个孙；黑妹姐话最紧要孝顺；鼎爷强调要有沟通，新抱要讲要问，对长辈要有礼貎。
最新回应