搣甩8年「冬菇头」变身OPPA 朱薰囝囝劲满意开学新发型

商台DJ朱薰前日（5日）在社交网分享8岁囝囝谭永之（谭仔）的转发型事件，她表示在9月开学前已游说囝囝，因为他自岀世光头之后，一直都由爸爸谭健荣操刀，留「冬菇头」发型，不过谭仔听到新发型好似好抗拒：「连爸爸都想佢试下转第啲发型，不过冬菇仔唔想😱似乎唔想离开个『襟忽松』（Comfort Zone）😐但系冬菇仲可以维持得几耐呢？于是说客（我🤡）岀动，其中一个游说嘅论点就系：『暑假系最适合转发型嘅时候喇，因为咁耐冇见同学老师，你有啲嘢唔同咗都容易接受啲，同埋可能有啲新同学根本唔知你个头以前系点㗎呢？😛』成功游说到阿客仔试一试新嘢，得咗🤩。」

结果不只朱薰和老公，连谭仔亦好满意新造型：「爸爸好满意，妈咪好满意，而佢自己亦都好。满。意。☺️❤️唯一说客自己捉虫入__ __ 嘅就系，每朝要帮佢搞搞个发型😅虽然返学唔会搞太多styling，但系至少都要整返松瞓扁咗嘅头发🤪以免个头变咗三角形或者打横长方形😂😂😂而佢第一日返学有同学问佢系咪起身冇梳头，点解个头咁乱🤣🤣🤣🤣🤣。」

谭仔更贪靓到叫朱薰帮手影相留念，她加上心心眼Emoji道：「#你唔笑都好靓仔😍 #阿妈又疯癫了🤪 #全世界啲仔得自己个仔最靓仔病」。星妈谢安琪大赞：「谭仔好靓仔，阿之妈styling大成功✨」；邹凯光就抵死问：「须根是P上去？」。